Verbring ä Wuche amene bsundrige Ort, mit grossartige Lüüt und ussergwöhnlichi Aktivitätä, wo total Spass mached!
D Crazy Camps sind nöd wiä irgend än Urlaub, wo du jemols erlebt häsch. Do treffed sich Lüt us de ganze Welt, zum amene abgschidne Ort en eimoligi und verruckti Ziit z erläbä. Nei, das isch kei Marketingspruch. Überzüg dich selber und läsä d Bricht vo ehemoligi Crazy Camp Teilnehmer.
Crazy Camps draiet sich immer umene bestimmts Thema. Bi de Crazy Snow Camps gohts bispilswiis um Wintersport, bi dä Crazy Mountain Camps wird hingege im Summer i dä Bergä gwanderet. Es git aber no viel meh Themenä.
Näbscht dä Crazy Camps-Mottos isches wichtig z wüsse, dass mir alli alles als Gruppä gmeinsam mached. Es isch än eimoligi Erfahrig wenn sich ä Gruppä vo “Fremdi” für ei Wuche bildet und me unerwarteti Sache über sich selber und anderi lernt. Für di meischte – wenn au nöd für alli – isches statt ä normali Feriä ä magischi Erfahrig worde. Mir mached vieles zämä: chochä, ässe, ufruume, Wellness und Spiili. Natürli gits tagsüber au Ziit, öppis allei z mache, aber im Endeffekt isches ide Gruppä doch luschtiger, z.B. bim Skifahre, Snowboarde oder Wanderä.
Ab 18 Johr chasch du im Crazy Camp teilneh. Fakte über di bisherige Teilnehmer: 51% Frauä, 49% Männer, Durchschnittsalter beträgt 33 Johr (d jüngst bis jetzt 19i, dä ältischt 56i), 68% sind single, 24% reist ohni Partner, 8% isch als Päärli cho. 31 verschideni Nationalitätä vo 4 Kontinentä, wobii 44% devo nöd i ihrem Heimatland wohned. Es schiint, als seged Crazy Camps nöd nur usgfallni Erläbnisreisä, aber au ä biz Single-Reisä und Expat-Feriä ;-). Uf alli Fäll, ä super Möglichkeit, neui Lüüt kennezlärnä.
Normalerwiis redemer Englisch underenand. Nichtsdestotrotz sind di wenigschte Muettersprochler und du muesch au nöd flüssend Englisch rede chönä. Au wenn du nur 20 Wörter uf Englisch kennsch, klappt da!
Neui Themä für Crazy Camps und neui Ort chömed ständig dezue. Abbonier d Newsletter, um über Neuigkeitä informiert z wärde!
D Crazy Camps werded nöd vomene Reisebüro oder kommerziellä Unternähme organisiert. Ich organisiers, wil ichs so gnüssä! Ich hoffä, dir wirds genauso guet gfallä!
